ممكن تستحمل تقعد قد ايه فى الضلمة؟؟ ساعة ؟؟ اتنين ؟؟؟ يوم ؟؟؟
طب افرض اتحكم عليك تقعد فى الضلمة لحد ما تموت ؟؟
مش قادرة برضه اتخيل ان حد ممكن يعيش كده , حاجة صعبة بجد حد المستحيل
ممكن اللى يضحى بنور عينيه الاتنين عشان بلده يكون بلطجى أو صاحب مصلحة أو متأجر أو أو؟؟!!!!!
يعنى اللى دفعله ممكن يكون دفعله كام يعنى تمن انه ما يشوفش باقى عمره !!!!
طب لو انا صاحب مصلحة ونزلت فقدت عينى هنزل تانى ليه ؟؟؟!!! , ما هعيش بقى بعينى اللى فاضلالى وتولع المصالح كلها
ايه الاسفاف ده والسخرية والاستهزاء بعقول الناس !!!!
واحد اختار يكمل عمره فى طريق ضلمة ومش ندمان وقال :" أعيش أعمى بكرامة ولا انى أعيش شايف مكسورة عينى" , ازاى أصدق انه بلطجى ولا مأجور!!!!
واحد مش هيشوف اى حاجة تانى باقى عمره مش هيشوف اهله ولا اصحابه ولا اى حد بيحبه ولا هيشوف أى لون تانى فى حياته غير اللون الأسود !!!
واحد مستقبله اتدمر (مع العلم ان طبيب أسنان مش بلطجى ) مش هينفع يشتغل ولا يعول نفسه تانى وهو لسه فى منتصف عمره او اقل كمان !!!
فى وجهة نظرى المتوضعة ده راجــــل (( فى زمن الرجالة فيه معادنهم صدت )) , ده مـــخــــلـــص لـوطـنـه أكتـر من أى حزب سياسى مش بيفكر غير فى الكرسى دلوقتى وفى مصلحته الشخصية , ده بــــطــــل خلانى أنا "البنت" أتكسف من نفسى (( مع العلم ان لسه فيه كائنات يطلق عليهم رجالة منضمين لحزب الكنبة )) !!!!
ربنا يرحمنا من الزمن اللى اختلط فيه الأبطال بالخونة !!!
ليست هناك تعليقات:
إرسال تعليق