سيادة المشير
بعد التحية والسلام
فى البداية أحب أعرفك بنفسى مع ان ده مش مهم كتير عندك =) , انا واحدة من ضمن الخمسة وتمانين مليون اللى حضرتك مسئول عنهم وارتضيت المسئولية دى بارادتك ، وانا واحدة كنت من اكتر المؤيدين ان " الجيش والشعب ايد واحدة " وكنت من اكتر الناس اللى بتقول المجلس العسكرى حاجة والجيش حاجة تانية وللأسف حضرتك نجحت فى وقت من الاوقات تهز صورة الجيش ده فى نظر ناس كتير , زى ما نجحت تقسم البلد حبة مؤيدين للجيش ويشتموا الثوار وحبة مؤيدين للثوار ويشتموا الجيش بعد ما كانوا ايد واحدة !! , انا كمان دلوقتى من اكتر المؤيدين لسقوط حكم العسكر بعد ستين سنة من الفشل المتواصل والكدب وايهام الناس بحاجات مش موجودة اصلا بعد ستين سنة من المسكنات المتواصلة للشعب شوية والتعذيب والقهر والظلم شوية بعد ستين سنة بتلجموا الناس وللأسف لسه مش قادرين تستوعبوا ان خلاص زمنكوا خلص واخدتوا فرصتكوا وزيادة !!
انا طول عمرى بسمع ان حياة العسكريين شديدة مش زينا بس انا كنت فاهمة انكوا المفروض تستخدموا الشدة دى مع ناس تانية خالص مش مع الناس اللى شغلتكم تحموهم معلش ده قصور فى تفكيرى انا وفى اى حد فكر كده اصلنا شعب رومانسى شوية =))
انا سمعت ان حضرتك بتقول ان الشعب المصرى مش خونة ( وده موضوع مش مختلفين عليه ) بس مش فاهمين !! طب وهو مين اللى بيخلينا مش فاهمين ؟؟ مين اللى بيعاملنا معاملة الاطفال دى وبيتعامل ان هو بس المفروض اللى فاهم وكل الناس شغلتها تتلقى الاوامر !! مع اختلافى مع حضرتك ان لسه فيه حد مش فاهم ( غير اللى مش عايز يفهم طبعا ) بس لو فيه فعلا حد مش فاهم هتبقى المشكلة عندكوا برضه دى مسئوليتكوا =))
نفسى اسأل حضرتك سؤال , هو حضرتك بتحب ولادك ؟؟ يعنى لو حد فكر يعملهم حاجة هتعمل ايه؟؟ انا متخيلة انك هتعمل حاجات كتييير عشان دول ولادك =)) طب ليه مستغرب ان اى حد بتموتوه مش هينزل اهله واصحابه ومعارفه يعنى كل ما هتموت واحد مش هينزل بداله اقل من 10 ليه متوقع ان العنف هيولد رعب وتراجع وان الناس هتعملكوا الف حساب!! ليه مش فاهم ان العنف بيولد عنف اكتر منه ! وانكوا لما تموت لحد حد من ولاده مش هيبقى فاضل حاجة يخاف عليها ولا يعيش عشانها وهيفضل كل اللى شاغل تفكيره ازاى يجيب حق ابنه وينتقم منكوا !! عايزة احكى لحضرتك على أبو مينا عارفه ؟؟ طبعا لأ انا عارفة ان حضرتك مشغول اوى فى حاجات اهم بكتيييير اوى من مصايب ونكبات الشعب ده =)) احب احكيلك انا عليه ابو مينا ده ابنه كان من اول الشهداء فى السويس بس بعد ما ابنه مات هو بقى موجود دايما فى اى اعتصام فى التحرير حضرتك لو شوفته ممكن تكره نفسك أووووى ولو شوفت الحاجات اللى كاتبها وحاطتها قدامه لابنه ممكن تسيب البلد وتمشى او تنتحر !!
بعد التحية والسلام
فى البداية أحب أعرفك بنفسى مع ان ده مش مهم كتير عندك =) , انا واحدة من ضمن الخمسة وتمانين مليون اللى حضرتك مسئول عنهم وارتضيت المسئولية دى بارادتك ، وانا واحدة كنت من اكتر المؤيدين ان " الجيش والشعب ايد واحدة " وكنت من اكتر الناس اللى بتقول المجلس العسكرى حاجة والجيش حاجة تانية وللأسف حضرتك نجحت فى وقت من الاوقات تهز صورة الجيش ده فى نظر ناس كتير , زى ما نجحت تقسم البلد حبة مؤيدين للجيش ويشتموا الثوار وحبة مؤيدين للثوار ويشتموا الجيش بعد ما كانوا ايد واحدة !! , انا كمان دلوقتى من اكتر المؤيدين لسقوط حكم العسكر بعد ستين سنة من الفشل المتواصل والكدب وايهام الناس بحاجات مش موجودة اصلا بعد ستين سنة من المسكنات المتواصلة للشعب شوية والتعذيب والقهر والظلم شوية بعد ستين سنة بتلجموا الناس وللأسف لسه مش قادرين تستوعبوا ان خلاص زمنكوا خلص واخدتوا فرصتكوا وزيادة !!
انا طول عمرى بسمع ان حياة العسكريين شديدة مش زينا بس انا كنت فاهمة انكوا المفروض تستخدموا الشدة دى مع ناس تانية خالص مش مع الناس اللى شغلتكم تحموهم معلش ده قصور فى تفكيرى انا وفى اى حد فكر كده اصلنا شعب رومانسى شوية =))
انا سمعت ان حضرتك بتقول ان الشعب المصرى مش خونة ( وده موضوع مش مختلفين عليه ) بس مش فاهمين !! طب وهو مين اللى بيخلينا مش فاهمين ؟؟ مين اللى بيعاملنا معاملة الاطفال دى وبيتعامل ان هو بس المفروض اللى فاهم وكل الناس شغلتها تتلقى الاوامر !! مع اختلافى مع حضرتك ان لسه فيه حد مش فاهم ( غير اللى مش عايز يفهم طبعا ) بس لو فيه فعلا حد مش فاهم هتبقى المشكلة عندكوا برضه دى مسئوليتكوا =))
نفسى اسأل حضرتك سؤال , هو حضرتك بتحب ولادك ؟؟ يعنى لو حد فكر يعملهم حاجة هتعمل ايه؟؟ انا متخيلة انك هتعمل حاجات كتييير عشان دول ولادك =)) طب ليه مستغرب ان اى حد بتموتوه مش هينزل اهله واصحابه ومعارفه يعنى كل ما هتموت واحد مش هينزل بداله اقل من 10 ليه متوقع ان العنف هيولد رعب وتراجع وان الناس هتعملكوا الف حساب!! ليه مش فاهم ان العنف بيولد عنف اكتر منه ! وانكوا لما تموت لحد حد من ولاده مش هيبقى فاضل حاجة يخاف عليها ولا يعيش عشانها وهيفضل كل اللى شاغل تفكيره ازاى يجيب حق ابنه وينتقم منكوا !! عايزة احكى لحضرتك على أبو مينا عارفه ؟؟ طبعا لأ انا عارفة ان حضرتك مشغول اوى فى حاجات اهم بكتيييير اوى من مصايب ونكبات الشعب ده =)) احب احكيلك انا عليه ابو مينا ده ابنه كان من اول الشهداء فى السويس بس بعد ما ابنه مات هو بقى موجود دايما فى اى اعتصام فى التحرير حضرتك لو شوفته ممكن تكره نفسك أووووى ولو شوفت الحاجات اللى كاتبها وحاطتها قدامه لابنه ممكن تسيب البلد وتمشى او تنتحر !!
هو حضرتك عارف انتوا موتوا كام واحد؟؟ ونكبتوا بعده كام واحد ؟؟ وحرقتوا قلب كام أم على ابنها ؟؟ وكسرتوا ضهر كام أب بعد ابنه؟؟ وقهرتوا كام أخ وأخت على اخواتهم؟؟ ووجعتوا قلب كام صاحب على صاحبه؟؟ حضرتك متخيل ان ممكن حد يموت ابنك لا وكمان لما يموت يقولك ده كان بلطجى ويستاهل وتبقى انت كل وظيفتك فى الحياة بعد كده انك تمشى تثبت للناس ان ابنك مش بلطجى ولا حاجة وانه مات غدر !! حاجة مسلية أوى مش كده !!
حضرتك عارف انتوا حرمتوا كان واحد من نور عينيه؟؟ حضرتك عارف انتوا عملتوا لكام واحد عاهات مستديمة هتكمل معاه عمره كله؟؟ حضرتك عارف انتوا سحلتوا كام بنت وضربتوها ؟؟ السؤال الأهم بقى هى السلطة والنفوذ بيعموا أوى كده؟؟ ولا عشان الناس دى ملكش علاقة بيهم !!!
هو حضرتك عارف ايه حل اى مشكلة فى الدنيا؟؟ العدل ॥ يعنى لما تعدل الناس هتهدى يعنى لما تعدل النار هتطفى يعنى لما تعدل الناس مش هتفضل حاسة انها ملهاش لازمة وانها بتروح هدر يعنى لما تعدل القوة هتبقى ضهر المظلوم مش كسرته وقهره !!
انا عايزة اقول لحضرتك حاجة مهما ظلمت ومهما عملت ده ربنا حذرك من دعوة المظلوم شوف كام مظلوم بيدعى من قلبه بقى =))
وكمان للأسف الناس مبقتش غبية والناس فاهمة ان كل اللى بيحصل بيحصل لأسباب معينة !!
بجد ياريت تتقى الله فى كل نفس بتروح عشان انتوا عايزين توصلوا لأهداف معينة عشان كل دول ذنبهم فى رقبة حضرتك !!
انا عارفة ان الرسالة دى عمرها ما هتوصل لأى حتة بس انا حبيت اقول الكلام ده وخلاص !
