عن الناس اللى بره الدنيا اتحدث.. عن الناس اللى ما استحملوش الحياة فانفصلوا عنها اراديا او لا اراديا مش فارقة كتير .. دول اكتر ناس بيحيرونى! .. ايه الحاجة اللى ممكن توصل الواحد لكده ؟ انه يتجنن !
ناس بنشوفهم كل يوم تقريبا فى الشوارع وكتير مننا الناس دى بتثير سخريتهم وبيكونوا شىء مضحك بالنسبالهم مع انه شىء يدعو للبكا مش للضحك ..عارف انك بين لحظة والتانية ممكن تبقى زيه؟ ..صدمة واحدة ماتستحملهاش ممكن تخليك مثير للضحك عند كل الناس! ..من رحمة ربنا بيهم انهم مفصولين ومش شايفين ولا حاسين ده .. دول شايفينك انت اللى مجنون :)
حكاوى كتير بتتقال عن الناس دى .. كلها حكايات مأساوية .. "صباح" مثلا من زمان وهى فى حياتى بشوفها كتير .. كل ما بتيجى كل العيال اللى فى الشارع بيجروا وراها ويضايقوها ويشتموها وهى بيكون رد فعلها عنيف برضه وبتزعقلهم وتضربهم وتشتمهم .. لدرجة انها بقت عنيفة حتى مع الناس اللى مش بتعملها حاجة ! .. ممكن تبقى معدى جنبها عادى وتشتمك وتحاول تضربك كمان !..كتير بتعدى الصبح بدرى اوى ومفيش حد فى الشارع ولا حد صاحى تقريبا وبتفضل تصرخ وتشتم وتقول كلام غريب طبعا محدش عارف ولا فاهم سببه غيرها .. يا ترى حصلها ايه وصلها لكده؟! ايه اللى صدمها كده خلاها انفصلت عننا وبقت بره الدنيا ؟! ايه اللى خلاها عنيفة كده ؟!
وعلى عكس عدوانية "صباح" بيجى هدوء الراجل اللى معرفش اسمه اللى كان على طول نايم فى الشارع عندنا .. ظهر فجأة واختفى فجأة! .. كتير كنت بشك انه مش مجنون وانه اعقل مننا كلنا من تصرفاته وهدوئه ! .. بس مظهره مظهر حد مش حاسس بالدنيا .. من اكتر الناس اللى حيرتنى .. ياترى هو ماله؟ ايه اللى خلاه نايم فى الشارع كده ؟! وليه سايب شعره ودقنه ولبسه كده؟!! وكان فين قبل ما يظهر عندنا وراح فين دلوقتى؟!! .. رغم انى كتير فكرت اروح اتكلم معاه عمر ما جاتلى الشجاعة والجرأة للأسف .. بس لسه حاسة انه اعقل مننا كلنا :)
الناس دى بتشغل دماغى كتير لأن لسبب او لآخر معرفوش حاسة انى هبقى زيهم فى يوم من الايام !
ناس بنشوفهم كل يوم تقريبا فى الشوارع وكتير مننا الناس دى بتثير سخريتهم وبيكونوا شىء مضحك بالنسبالهم مع انه شىء يدعو للبكا مش للضحك ..عارف انك بين لحظة والتانية ممكن تبقى زيه؟ ..صدمة واحدة ماتستحملهاش ممكن تخليك مثير للضحك عند كل الناس! ..من رحمة ربنا بيهم انهم مفصولين ومش شايفين ولا حاسين ده .. دول شايفينك انت اللى مجنون :)
حكاوى كتير بتتقال عن الناس دى .. كلها حكايات مأساوية .. "صباح" مثلا من زمان وهى فى حياتى بشوفها كتير .. كل ما بتيجى كل العيال اللى فى الشارع بيجروا وراها ويضايقوها ويشتموها وهى بيكون رد فعلها عنيف برضه وبتزعقلهم وتضربهم وتشتمهم .. لدرجة انها بقت عنيفة حتى مع الناس اللى مش بتعملها حاجة ! .. ممكن تبقى معدى جنبها عادى وتشتمك وتحاول تضربك كمان !..كتير بتعدى الصبح بدرى اوى ومفيش حد فى الشارع ولا حد صاحى تقريبا وبتفضل تصرخ وتشتم وتقول كلام غريب طبعا محدش عارف ولا فاهم سببه غيرها .. يا ترى حصلها ايه وصلها لكده؟! ايه اللى صدمها كده خلاها انفصلت عننا وبقت بره الدنيا ؟! ايه اللى خلاها عنيفة كده ؟!
وعلى عكس عدوانية "صباح" بيجى هدوء الراجل اللى معرفش اسمه اللى كان على طول نايم فى الشارع عندنا .. ظهر فجأة واختفى فجأة! .. كتير كنت بشك انه مش مجنون وانه اعقل مننا كلنا من تصرفاته وهدوئه ! .. بس مظهره مظهر حد مش حاسس بالدنيا .. من اكتر الناس اللى حيرتنى .. ياترى هو ماله؟ ايه اللى خلاه نايم فى الشارع كده ؟! وليه سايب شعره ودقنه ولبسه كده؟!! وكان فين قبل ما يظهر عندنا وراح فين دلوقتى؟!! .. رغم انى كتير فكرت اروح اتكلم معاه عمر ما جاتلى الشجاعة والجرأة للأسف .. بس لسه حاسة انه اعقل مننا كلنا :)
الناس دى بتشغل دماغى كتير لأن لسبب او لآخر معرفوش حاسة انى هبقى زيهم فى يوم من الايام !